ටෙස්ලා Autopilot පද්ධතිය වරද්ද ගත්ත කෙනෙක් නිසා සිදුවූ ලොව පළමු මරණය!

රියැදුරු සහාය නොමැතිව ඉබේ ධාවනය කිරීමේ හැකියාවක් Tesla Model S මෝටර් රථයට තියෙනවා. මේකට කියන්නේ Autopilot කියලා. මධ්‍යම ෆ්ලොරිඩාවේ අධිවේගී මාර්ගයකදී Autopilot පද්ධතිය ක්‍රියාත්මකව තිබියදී සිදුවූ දරුණු රිය අනතුරකින් මෝටර් රථයේ රියැදුරු ජීවිතක්ෂයට පත්ව තිබෙනවා. මෙය තමා Autopilot පද්ධතිය නිසා සිදුවූ ලොව පළමු මරණය. මෙම අනතුර සිදුව ඇත්තේ ටෙස්ලා මෝටර් රථයට ලම්භකව ඉදිරියෙන් ධාවනය වූ ට්‍රැක්ටරයක ටේලරයේ මෝටර් රථය ගැටීම නිසා. ටෙස්ලා සමාගමේ ප්‍රධාන විධායක නිළධාරී Elon Musk පවසන්නේ Autopilot පද්ධතිය ක්‍රියාත්මක වුණාට මෙම ට්‍රැක්ටරයේ ටේලරය දීප්තිමත් සුදු පැහැයෙන් දිස්වූ නිසා අහස සේ වරදවා වටහා ගැනීමත්, අසාමාන්‍ය ලෙස උසින් පිහිටි එම ටේලරය රේඩාර් පද්ධතිය මඟින් මාර්ගයේ ඉදිරියෙන් ඇති මාර්ග පුළුල් සංඥා පුවරුවක් ලෙස වරදවා වටහා ගැනීමත් නිසා මේ අනතුර සිදුවෙන්න ඇති කියලා.
මේ අනතුරින් මිය ගිය පුද්ගලයා ටෙස්ලා කාර් පිළිබඳව නිතර නිතර වීඩියෝ කර සිය යුටියුබ් චැනලය වෙත් මුදා හරින කෙනෙක්. මීට කළිනුත් ටෙස්ලා මෝටර් රථය Autopilot යොදාගෙන ධාවනය වන අතරතුරේ අනතුරකින් බේරුනු අවස්ථාවක වීඩියෝවක් මොහු විසින් අන්තර්ජාලය වෙත එක් කර තිබෙනවා. කොහොම වුණත් තවමත් පරයේෂණ මට්ටමේ පවතින Autopilot පද්ධතිය භාවිතයේ දී අනුගමනය කල යුතු පිළිවෙල අනුගමනය නොකිරීම නිසා මේ අනතුරට සම්පූර්ණ වගකීම මියගිය රියදුරු වෙත පැවරෙන බව විදෙස් මාධ්‍ය වාර්තා කරනවා.

tom-van-der-put-20160530144409-0image-6151052Tesss

Share this post with your friends!